ნაციონალური მოძრაობის ლიდერებმა მცხეთაში მაჟორიტარი დეპუტატობის კანდიდატი ირაკლი ბერიაშვილი წარადგინეს. მხარდამჭერებს დავით ბაქრაძემ, რომან გოცირიძემ და თავად კანდიდატმა მიმართეს. პოლიტიკოსებმა ყურადღება გაამახვილეს მცხეთის, როგორც ტურისტული პოტენციალის მქონე ქალაქის განვითარებაზე. ისაუბრეს  სოციალურ ფონზეც.დავით ბაქრაძემ პარტიის ეკონომიკური გეგმა და პენსიის ორმოცდაათი ლარით მატების შესაძლებლობა გააცნო. ირაკლი ბერიაშვილი კი მცხეთელებს გამარჯვების შემთხვევაში სოციალური და ინფრასტრუქტურული პრობლემების მოგვარებას დაჰპირდა.