სამტრედიის რაიონის სოფელ ჯიხაიშში, მდინარე გუბისწყალში ორი ძმა დაიხრჩო. უბედური შემთხვევა გუშინ მოხდა. არსებული ინფორმაციით, მდინარეში საბანაოდ შესული ერთი ძმა იხრჩობოდა და მეორე ძმა წყალში მის საშველად შევიდა. მდინარიდან გამოსვლა ვერც ერთმა მათგანმა ვეღარ მოახერხა. გარდაცვლილები 18 და 21 წლისები არიან. ერთ-ერთი მათგანი სამედიცინო უნივერსიტეტის სტუდენტი იყო. როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება სსკ-ის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.