ზუგდიდის მუნიციპალიტეტის გამგებელი ედიშერ თოლორაია დაკავებული თანამდებობიდან გადადგა. ინფორმაციას ამის შესახებ ზუგდიდის მუნიციპალიტეტის გამგეობაში ადასტურებენ.ედიშერ თოლორაია "ქართული ოცნების" მაჟორიტარი დეპუტატობის კანდიდატია. გამგებლის მოვალეობას მისი მოადგილე გურგენ სართანია შეასრულებს. შეგახსენებთ, რომ საქართველოში საპარლამენტო არჩევნები 2016 წლის 8 ოქტომბერს გაიმართება. ედიშერ თოლორაია ზუგდიდის მუნიციპალიტეტის მაჟორიტარი დეპუტატობის კანდიდატად საქართველოს პრემიერ-მინისტრმა გიორგი კვირიკაშვილმა წარადგინა.