ხვალ, 9 აგვისტოს სანკტ-პეტერბურგში რუსეთისა და თურქეთის პრეზიდენტების ორმხრივი შეხვედრა გაიმართება. ეს არის მათი პირველი შეხვედრა ორ ქვეყნის ურთიერთობებში რუსული ბომბდამშენის ჩამოგდებასთან დაკავშირებით დამდგარი კრიზისის შემდეგ.
,,აფხაზური და რუსული მედიის ცნობით, შესაძლოა რუსეთის თავდაცვის სამინისტრომ თურქეთს შესთავაზოს ორი ქვეყნის სამხედროებს შორის კავშირგაბმულობის არხის შექმნა იმგვარი ინციდენტების თავიდან აცილების მიზნით, რომელსაც ადგილი ჰქონდა რუსეთის ბომდამშენის ჩამოგდების შემთხვევაში'' – იუწყება გაზეთი ,,იზვესტია’’ რუსეთის ფედერაციის თავდაცვის უწყებაში ინფორმირებულ წყაროზე დაყრდნობით. – დოკუმენტების შესაბამისი პაკეტი უკვე შედგენილია და, თუ პუტინსა და ერდოღანს შორის მოლაპარაკებებში პრინციპული შეთანხმება იქნა მიღწეული, იგი თურქეთის თავდაცვის სამინისტროს გადაეგზავნება. პაკეტი მოიცავს წინადადებებს როგორც ინფორმაციის გაცვლის არხების შექმნასთან, ისე ჰაერში მოქმედების ოქმების შედგენასთან დაკავშირებით,.აგრეთვე რეკომენდაციებს პილოტებისათვის, როგორ უნდა იმოქმედონ სახიფათო სიტუაციაში, მსგავსი ტრაგედიების თავიდან ასაცილებლად.