თავდაცვის ახალმა მინისტრმა პირველი შეხვედრა საქართველოში ნატოს წარმომადგენლებთან გამართა. მხარეებმა ნატო-საქართველოს შორის მჭიდრო თანამშრომლობის საკითხები, პარტნიორობის ფარგლებში ნაკისრი ვალდებულების განხორციელების პროცესი და საქართველოსთვის 2014 წლის უელსის სამიტზე მინიჭებული ნატო-საქართველოს არსებითი პაკეტით გათვალისწინებული მიმართულებები განიხილეს.
„ახლო მომავალში იგეგმება ჩრდილოატლანტიკური საბჭოს ვიზიტი საქართველოში, იგეგმება ნატოს გენერალური მდივნის ჩამობრძანება, იქნება ნატო საქართველოს წვრთნები. ასევე მთელი რიგი ღონისძიებებია დაგეგმილი იმისთვის, რომ ჩვენი ქვეყნის უსაფრთხოება გაძლიერდეს,“-განაცხადა ლევან იზორიამ.