საქართველოს განათლებისა და მეცნირების მინისტრიალექსანდრე ჯეჯელავა კულტურის ცენტრ“ოდიშის“ სააქტო დარბაზში ზუგდიდის მნიციპალიტეტის საჯარო სკოლის პედაგოგებს შეხვდა, შეხვედრა კითხვა- პასუხის რეჟიმში წარიმართა, ალექსანდრე ჯეჯელევამ მომავალ გეგმებსა და პრიორიტეტბზე გაამახვილა ყურადღება. პედაგოგებმა სამეგრელოს რეგიონში და საჯარო სკოლებში არსებული პრობლემები წამოწიეს და განიხილეს ის მნიშვნელოვანი თემები, რომელიც სკოლების ინფრასტრუქტურულ მოწესრიგებას ეხება. მინისტრი განათლების სფეროში უახლოეს მომავალში ცვლილებების შეტანასც გეგმავს. ალექსანდრე ჯეჯელავამ გერმანული მოდელის დანერგვაზეც ისაუბრა: “მოგეხსენებათ ბოლო კლასებში ბავშვებს ფაქტიურად უწევთ ეროვნული გამოცდებისთვის მომზადება, სკოლა ეხლანდელი მდგომარეობით მოსწავლეს არ აძლევს შესაბამის ცოდნას და რეპეტიტორები ფარავენ ამ სხვაობას. ჩვენ უნდა შევქმნათ რეპეტიტორების ალტერნატივა, რომელიც ფაქტიურად მისცემს საშუალებას მათ, ვინც უმაღლესში აბარებს, შესაბამისი მომზადება მოახერხონ და ეს არ უნდა იყოს დამოკიდებული ოჯახის სოციალურ სტატუსზე. ანუ, ვისაც ბევრი ფული აქვს, მარტო ის არ უნდა ახერხებდეს მეცადინეობას და ვისაც ნაკლები აქვს, ის არ უნდა იჩაგრებოდეს.“- განაცხადა ალექსანდრე ჯეჯელავამ.