ნორვეგიის მთავრობამ დაადასტურა, რომ ფინეთისთვის, ქვეყნის დამოუკიდებლობის 100 წლისთავთან დაკავშირებით, მოსაზღვრე მთის ჩუქების საკითხს განიხილავს.

"დარჩენილია რამდენიმე ფორმალური საკითხის გადაწყვეტა, მალე საბოლოოდ შევთანხმდებით. მე ჯერ ჩემი საბოლოო გადაწყვეტილება არ მიმიღია", – აღნიშნა ნორვეგიის პრემიერმინისტრმა ერნა სოლბერგმა.

საუბარია ჰალტის მთების ერთ-ერთ მთა ჰალდიტსოჰკკაზე, რომელიც ზღვის დონიდან 1324 მეტრის სიმაღლეზე მდებარეობს და ფინეთის საზღვრიდან რამდენიმე ასეულ მეტრშია (ჰალტის მთები ფინეთისა და ნორვეგიის საზღვარზე მდებარეობს).

 

ტელეკომპანია NRK-ს განმარტებით კი, მთის ჩუქება, უბრალოდ, ფორმალობაა, რადგან თუ საკითხს გეოფიზიკურად განვიხილავთ, ჰალტის მთებს ორი მწვერვალი აქვს, საიდანაც ერთი ნორვეგიულია, მეორე კი ფინური. ნორვეგია კი ფინეთს სწორედ იმ მწვერვალს ჩუქნის, რომელიც ფინეთისაა, თუმცა, ამჟამად ნორვეგიის ტერიტორიაზე მდებარეობს.

მთის ჩუქების კამპანია სოციალური ქსელის მომხმარებლებმა წამოიწყეს. აქტივისტების წინადადებას ,,მოდით ახალ სიმაღლეზე ავიყვანოთ ფინეთი''  რამდენიმე საათში  4 ათასი ნორვეგიელი ფეისბუქ მომხმარებელი გამოეხმაურა: ,,ვაჩუქოთ მთა ფინეთს''. პენსიონერი ბიორნ არისონი, რომელიც ადრე ნორვეგიის კარტოგრაფიულ სამასახურში მუშაობდა, ამბობს, რომ მას ეს იდეა  მას 1972 წლს გაუჩნდა გაუჩნდა, როცა პეტერბურგისკენ მიმავალმა თვითმფრინავით გადაუარა მთას და  და ეჭვობს, რომ კამპანია მისმა შვილმა წამოიწყო.  – .ეს არ იქნება დიდი დანაკარგი ნორვეგიისათვის, ფინეთს კი ასეთი საჩუქარი ათასი წელი ემახსოვრება. 

მთავრობის გადაწყვეტილებას კრიტიკოსებიც გაუჩნდა – ,, რა აუვა ამდენ ქაღალდს- ხუმრობს ერთერთი მათგანი- ახლა მოგვიწევს მისხალ- მისხალ აღვწეროთ მწვერვალიდან დაგორებული ქვებიც კი, რომ არაფერი ვთქვათ მელიებზე და მგლებზე" .

ხუმრობაში ნორვეგიელებს არც ფინელები ჩამორჩნენ – საჩუქარი მოგვწონს, მაგრამ იქნებ მის ნაცვლად ერთი ნავთობის ჭაბურღილი გეჩუქებინათ?- უთვლიან ისინი ნორვეგიელებს