მესტიის მუნიციპალიტეტის სოფელ ჭუბერში უკვე მეორე დღეა ორ მოზარდ გოგონას ეძებენ შინაგან საქმეთა სამინისტროს ცნობით,სამძებრო ღონისძიებებს სამეგრელო-ზემო სვანეთის პოლიციის დეპარტამენტი ახორციელებს. რაც შეეხება გამოძიებას, სამინისტროში აცხადებენ, რომ ამ დროისთვის საქმე არ არის აღძრული.
სოფელ ჭუბერში ორი მოზარდი გუშინ დაიკარგა. ადგილობრივებმა გოგონები – 12 წლის აქსანა ჩ. და 16 წლის სალომე ნ. – ბოლოს ტყისკენ მიმავალნი ნახეს. გოგონები ზემო ჭუბერიდან ჭუბერის ცენტრამდე ფეხით არიან ჩასული, რის შემდეგაც მათი კვალი იკარგება. არსებობს ვარაუდი, რომ ისინი თბილისისკენ არიან წასული.
ამავე დროს მედიასა და სოციალურ ქსელში ში ვრცელდება დაუზუსტებელი ინფორმაცია მოზარდებთან დაკავშირებით. .,,ნიუპოსტის'' ცნობით, გოგონების ფეისბუქ გვერდზე დევს თავად მათი წერილი, რომ ცოცხლები არიან, მაგრამ სახლებში დაბრუნებას არ აპირებენ .
არსებობს ეჭვი, რომ მოზარდები გაურკვეველ სექტაში არიან გაწევრიანებული, რისი ეჭვიც 16 წლის სალომეს შესახებ არსებობდა. როგორ ,,ნიუპოსტს“ განუცხადეს, გოგონა უცნაური ჩაცმულობით და გარეგნობით გამოირჩეოდა.