,,რუსეთმა ერთ–ერთმა პირველმა დაუჭირა მხარი თურქეთს, სამხედრო ამბოხების დროს’’ – განაცხადა დღეს თურქეთის საგარეო საქმეთა მინისტრმა მევლუდ  ჩავუშოღლუმ.

,,თურქეთში დემოკრატიის მხარდამჭერი გზავნილი ბევრი ქვეყნისგან მივიღეთ. ერთ–ერთი ქვეყანა, ვინც განსაკუთრებით დიდი მხარდაჭერა გამოგვიცხადა, რუსეთი იყო – ასეთი განცხადება გააკეთა მან თურქეთის ტელეარხ NTV – სთვის მიცემულ ინტერვიუში.

ამავე დროს რუსეთის ფედერაციის მინისტრთა კაბინეტმა დღეს გააკეთა განცხადება, რომ რუსეთი განაახლებს მოლაპარაკებებს თურქეთთან სავაჭრო – ეკონომიკური თანამშრომლობის პროგრამაზე 2016 – 2019 წლებისათვის. 

,, გათვალისწინებულია თურქულ მხარესთან მოლაპარაკების პროცესის განახლება ორი ქვეყნის მთავრობებს შორის სავაჭრო –ეკონომიკური , სამეცნიერო – ტექნიკური და კულტურული თანამშრომლობის საკითხებზე, რუსულ – თურქული ერთობლივი ფონდის შექმნაზე თურქეთსა და რუსეთში საინვესტიციო პროექტების დაფინანსებისათვის ‘’ – ნათქვამია რუსეთის მთავრობის განცხადებაში, რომელსაც ТАСС – ი ავრცელებს.