თურქეთში ფეთჰულა გიულენის ძმისშვილი ხალის ხანჯი დააკავეს. სახელისუფლებო მედიის ინფორმაციით, სამართალდამცველებმა იგი ქალაქ ერზურუმში დააკავეს და ანკარაში გადაიყვანეს. ძალოვანების ცნობით, ის გიულენის მარჯვენა ხელია და თურქეთში სამხედრო გადატრიალების მცდელობამდე ორი დღით ადრე ჩავიდა.
ამ დროისათვის ქვეყნის მასშტაბით ორი ათასამდე ორგანიზაცია დაიხურა, რომელიც გიულენის სახელთან ასოცირდება, მათ შორისაა სკოლები და მედიასაშუალებები.