რუსეთი ქართული ღვინისა და მინერალური სასმელის იმპორტის აკრძალვისათვის ემზადება. შესაბამისი რეკომენდაციით მთავრობას რუსეთის სახელმწიფო სათათბიროს საგარეო კომიტეტის წევრი მიმართავს.
ეს იქნება საპასუხო ზომა ოფიციალური თბილისისთვის, რომელიც რუსეთის წინააღმდეგ უკრაინის კრიზისისა და ყირიმის ანექსიის გამო ამოქმედებული სანქციების პოლიტიკას შეუერთდა. დეპუტატის თქმით, ყველა ქვეყანა, რომელიც ევროკავშირის შეზღუდვებს შეუერთდა, მათ შორის საქართველო, საპასუხო ზომებით გაცილებით უფრო მეტს იზარალებს, ვიდრე მოსკოვი.