აჭარაში "ნაციონალური მოძრაობის" სიის პირველ ნომერი, აჭარის მთავრობის ყოფილი თავმჯდომარე ლევან ვარშალომიძე სახელმწიფო აუდიტის სამსახურში დაიბარეს. საქმე ეხება ლევან ვარშალომიძის მიერ ორი დღის წინ დაწყებულ კამპანიას, სადაც ის მოქალაქეებთან ინდივიდუალურ ხელშეკრულებებს აფორმებს და გამარჯვების შემთხვევაში მათ ბინის აშენებას ჰპირდება. არასამთავრობო ორგანიზაციები აღნიშნულ ფაქტს ამომრჩევლის მოსყიდვის მცდელობად აფასებენ. როგორც სახელმწიფო აუდიტის სამსახურის პარტიების ფინანსური საქმიანობის მონიტორინგის სამსახურის უფროსი ზურაბ აზნაურაშვილი აცხადებს, ლევან ვარშალომიძეს ორშაბათს ელოდებიან.მისივე განმარტებით, დოკუმენტაციის შესწავლის შემდეგ დადგინდება, არსებობს თუ არა დარღვევა."დამატებითი ინფორმაციის წარმოდგენის თხოვნით, ლევან ვარშალომიძის სახელმწიფო აუდიტის სამსახურში დაბარებას ვგეგმავთ მომდევნო კვირას, ორშაბათს, რისთვისაც უკვე გაიგზავნა შესაბამისი უწყება. საკითხი საჭიროებს დამატებითი ინფორმაციის მოძიებას, დოკუმენტაციის შესწავლას, რის შემდეგაც გვექნება საშუალება მივიღოთ გადაწყვეტილება, არსებობს თუ არა დარღვევა და რა სახის დარღვევასთან გვაქვს საქმე", – აღნიშნა ზურაბ აზნაურიშვილმა. ლევან ვარშალომიძე უკრაინიდან აჭარაში რამდენიმე დღის წინ დაბრუნდა და წინასაარჩევნო კამპანია დაიწყო.
სიახლეები
სიახლეები
ოკუპირებულ აფხაზეთში ჯაშუშობის ბრალდებით საქართველოს მოქალაქე დააკავეს
საოკუპაციო რეჟიმმა ტყვარჩელის რაიონის, სოფელ ოქუმში საქართველოს მოქალაქე ჯაშუშობის ბრალდებით დააკავა ინფორმაციას ოკუპირებული აფხაზეთის...
სიახლეები
კალაძე მოსკოვის მექანიზმზე-ეს არის სრული ბოდვა
ეს არის სრული ბოდვა. მე მგონი, ყველა კარგად ვხვდებით თუ რატომ დაიწყო ეს ყველაფერი,...
სიახლეები
შესაძლოა დამოუკიდებელი სამაუწყებლო არხების დახურვა გამოიწვიოს – TI კომკომის განცხადებაზე
არასამთავრობო ორგანიზაცია „საერთაშორისო გამჭვირვალობა-საქართველოს“ შეფასებით, კომუნიკაციების მარეგულირებელი კომისია კრიტიკულ ტელევიზიებს ემუქრება.
როგორც მათ მიერ გავრცელებულ...
სიახლეები
ეს არის მოსკოვის მექანიზმის მანდატიდან გასვლა – მახაშვილი ეუთო/ოდირის ანგარიშზე
ივანიშვილის დეპუტატი, ლევან მახაშვილი ეუთო/ოდირის ანგარიშს გამოეხმაურა და განაცხადა, რომ ესაა "აუხდენელი ოცნებების და...