მთელ ღამის განმავლობაში გრძელდებოდა მოლაპარაკებები სომხეთში ერევნის ერბუნის რაიონში მდებარე პოლიციის განყოფილებაში გამაგრებულ 26 შეიარაღებულ პირთან, თუმცა უშედეგოდ. ადგილობრივი მედიის ინფორმაციით, მათ მძევლად ყავთ აყვანილი 7 რიგითი პოლიციის თანამშრომელი, ასევე ერევნისა და რესპუბლიკის პოლიციის უფროსის მოადგილეები. მოთხოვნები უცვლელია – ოპოზიციის ერთ-ერთი დაკავებული აქტივისტის გათავისუფლება და მთავრობის გადადგომა.გვიან ღამით, შეიარაღებულებთან შესვლა კიდევ ერთხელ სცადა გავლენიანი ოპოზიციური პარტიის ლიდერმა ნიკოლ პაშინიანმა, თუმცა პოლიციამ ამის უფლება აღარ მისცა. ერბუნის რაიონის ყველა მისადგომს პოლიციის გაძლიერებული კორდონი იცავს. ადგილზე მობილზიებულია ჯავშანტექნიკაც.ჯერ-ჯერობით ხელისუფლებისგან ოფიციალური განცხადება არ გაკეთებულა.