საქართველოს პრეზიდენტი სლოვენიაში ვიზიტს მართავს. ქვეყნის პირველი პირი ლიუბლიანაში პირველ ლედისთან და დელეგაციასთან ერთად ჩავიდა.
დახვედრის ოფიციალური ცერემონია კონგრესის მოედანზე ერთ საათში გაიმართება, რის შემდეგაც გიორგი მარგველაშვილი სლოვენიის პრეზიდენტს შეხვდება.
საქართველოსა და სლოვენიას შორის ეკონომიკურ თანამშრომლობაზე ხელშეკრულება გაფორმდება, სადაც აღნიშნული იქნება, რომ მოქალაქეებისთვის, რომელთაც სამსახურებრივი პასპორტები აქვთ, სავიზო რეჟიმი გამარტივდება. საქართველოს პრეზიდენტის ოფიციალური ვიზიტი სლოვენიის რესპუბლიკაში ხვალ დასრულდება
აღსანიშნავია, რომ ეს პრეზიდენტის პირველი ოფიციალური ვიზიტია სლოვენიაში დამოუკიდებელი საქართველოს ისტორიაში .