დღეს მოსწავლე-ახალგაზრდობის სასახლეში "ვლაქერნობის" დღესასწაულისადმი მიძღვნილი სამეცნიერო-თეორიული კონფერენცია ჩატარდა. ღონისძიება ზუგდიდისა და ცაიშის ეპარქიის სულიერებისა და კულტურის ცენტრის, დადიანების სასახლეთა ისტორიულ-არქიტექტურული მუზეუმის,საზოგადოება "ზუგდიდელისა"და შოთა მესხიას სახელობის სახელმწიფო სასწავლო უნივერსიტეტის ორგანიზებით ჩატარდა.„აქ ძალიან სერიოზული სამეცნიერო ნაშრომებია წარმოდგენილი. არის საუბარი კვართის ისტორიაზე. შეიძლება ითქვას, რომ ეს ყველაფერი საუკუნეების წინ იყო შესწავლილი, მაგრამ ყოველ კონფერენციაზე ძალიან საინტერესო სიახლე გვესმის, ახალ-ახალი წყაროების გამოკვლევა ხდება“, – განაცხადა დეკანოზმა ანდრია კემულარიამ. “წლების სვლის მიუხედავად ღვთისმშბლის კვართის ჩაობრძანების დაფარული ისტორია მუდმივად კვლევის საგანია და არ კარგავს აქტუალობას.“- ამბობს მუზეუმის თანამშრომელი სვეტა მიქავა.კონფერენცია ტრადიციულად ვლაქერნობის დღესასწაულის წინა დღეს იმართება.