ბათუმში მყოფი ევროკომისარი ევროპული სამეზობლო პოლიტიკისა და გაწევრიანების შესახებ მოლაპარაკებების საკითხებში იოჰანეს ჰანი რუსთავი 2-ის ირგვლივ მიმდინარე მოვლენებს ეხმაურება.
მისი განმარტებით, საქმე სასამართლოშია და შესაბამისად, ამ თემაზე ბევრს ვერ ისაუბრებს, თუმცა მიაჩნია, რომ თავისუფალი არჩევნები თავისთავად გულისხმობს თავისუფალ მედიას. მან აღნიშნა, რომ არჩევებთან დაკავშირებით ისაუბრა საქართველოს პრემიერთან და მისგან მიიღო პირობა, რომ არჩევნები ობიექტური იქნება.
„რამდენადაც ჩემთვის ცნობილია, რუსთავი 2-ის საქმე სასამართლოში განიხილება და სასამართლომ უნდა მიიღოს გადაწყვეტილება. წინ არის საპარლამენტო არჩევნები და მნიშვნელოვანია, რომ ის მომზადდეს და ჩატარდეს სამართლიანად და გამჭვირვალედ, საერთაშორისო სტანდარტების შესაბამისად, თავისუფალი მედიისა და გამოხატვის თავისუფლების დაცვის ჩათვლით. სწორედ ამ კუთხით დავაკვირდებით ყველაფერს," – აღნიშნა იოჰანეს ჰანმა.