2016 წლის პირველ 6 თვეში მსოფლიოში 49 ჟურნალისტი დაიღუპა. სტატისტიკას ინფორმაციის უსაფრთხოების საერთაშორისო ინსტიტუტი (INSI) აქვეყნებს. ორგანიზაციის განცხადებით, წინა წლის ანალოგიური მაჩვენებლით, მსოფლიოში 60 ჟურნალისტი დაიღუპა, თუმცა INSI-ში აღნიშნავენ, რომ წლევანდელი მაჩვენებლის მცირედით გაუმჯობესება ოპტიმიზმის საფუძველს არ იძლევა.INSI -ს ინფორმაციით, 2016 წლის პირველ ნახევარში ჟურნალისტებისთვის ყველაზე საშიში ქვეყანა ავღანეთი იყო, სადაც მიმდინარე წლის იანვრიდან ივნისის ჩათვლით, თალიბების ორ თავდასხმას ჯამში 10 ჟურნალისტი ემსხვერპლა. ასევე საგანგაშო სიტუაციაა მექსიკაში, გვატემალასა და ფილიპინებში – აცხადებენ ორგანიზაციაში და აღნიშნავენ, რომ ჟურნალისტების მკვლელები ხშირად დაუსჯელები რჩებიან.ორგანიზაციის ინფორმაციით, დაღუპულ ჟურნალისტთა შორის 16 ტელევიზიის წამომადგენელია, 13 ბეჭდური მედიის, 8 საინფორმაციო სააგენტოს, 8 რადიოს, 3 ონლაინ სააგენტოს, ხოლო სად იყო დასაქმებული კიდევ ერთი პირი, უცნობია.INSI-ის სტატისტიკაში საქართველოც მოხვდა, სადაც წლის პირველ ნახევარში ერთი ჟურნალისტი დაიღუპა.