სამშენებლო კომპანია „ცენტრ პოინტის" ერთ-ერთი ხელმძღვანელი, გუკა რჩეულიშვილი დაკავებულია. მთავარი პროკურატურის განმარტებით, რჩეულიშვილი სამართალდამცველებს თავად არ ჩაბარებია. უწყების ინფორმაციით, სამართალდამცველებმა ის საცხოვრებელ სახლთან აიყვანეს. დაკავებამდე მან სოციალური ქსელით ვიდეომიმართვა გაავრცელა. მიმართვაში რჩეულიშვილი „ცენტრ პოინტის" შესახებ საქმის წარმოებას პოლიტიკურად მოტივირებულს უწოდებს.