ნაციონალური მოძრაობის ზუგდიდის ოფისში დღეს ბრიფინგი გაიმართა. პარტიის წევრები ზუგდიდის საკრებულოს ქართული ოცნების სასარგებლოდ კომპანიების რამდენიმე თვით გადასახადებისგან გათავისუფლებაში ადანაშაულებენ, რის შედეგადაც ქალაქის ბიუჯეტმა  ნახევარი მილიონით იზარალა. ზუგდიდის ერთიანი ნაციონალური მოძრაობის ორგანიზაციის თავმჯდომარემ   ჟურნალისტებს დღეს 2016 წლის 3 ივნისით დათარიღებული შესაბამისი დადგენილება გააცნო.ლაშა დამენიას განმარტებით, საუბარია იმ კომპანიების პირველ სექტემბერდამდე მოსაკრებლისგან გათავისუფლებაზე, რომლებიც ქალაქის განვითარებისთვის მნიშვნელოვან სამუშაოებს ასრულებენ.ოპოზიციურ პარტიაში არ გამორიცხავენ, რომ   ეს  თანხები შეიძლება ამომრჩევლის მოსასყიდად იყოს მიმართული.ზუგდიდის საკრებულოში ოპოზიციური პარტიის ბრალდებებს არ პასუხობენ. საკრებულოს თავმჯდომარე ლაშა გოგიამ ჟურნალისტებს განუცხადა რომ დღეს კვირაა, არასამუშაო დღე და შესაბამისად კომენტარს ვერ გააკეთებენ.