გუშინ განმუხურის სანაპიროზე თავდასხმა მოხდა თურქეთის მოქალაქეზე.  ელდინ შ.ყვება, რომ  განმუხურში თავის ოჯახის წევრებთან ერთად გადაადგილდებოდა, როდესაც მასთან უცნობი პირები მივიდნენ და ავტომობილში მისი ძალით ჩასმა მოინდომეს. ელდინ შ-ს მისი არასრულწლოვანი შვილი მიეშველა, რა დროსაც მამა-შვილს ფიზიკურად გაუსწორდნენ და მოზარდმა გონება დაკარგა. საბოლოოდ თავდამსხმელებმა ელდინ შ-ს ავტომობილში ძალით ჩასმა ვერ მოახერხეს და ადგილი დატოვეს. ელდინ შ და მისი ოჯახის წევრები სასწრაფო დახმარების მანქანით სამედიცინო დაწესებულებაში გადაიყვანეს. ისინი უკვე დაკითხეს სამართალდამცავებმა. ელდინ შ-ს თქმით თავდამსხმელებს მისი დაყაჩაღება უნდოდათ რადგან მას ჩანთაში გარკვეული რაოდენობის თანხა ქონდა და ასევე თან ქონდა ძვირადღირებული ტელეფონიც.