საქართველოს სახელმწიფო დაინტერესებულია აფხაზეთის ტერიტორიაზე ყველა პრობლემა მშვიდობიანი გზით მოგვარდეს, – ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა მთავრობის სხდომის შემდეგ, სოხუმში არსებული დაძაბული ვითარების საკითხზე კომენტირებისას განაცხადა. როგორც სახელმწიფო მინისტრმა აღნიშნა, აფხაზეთის ტერიტორიაზე მიმდინარე პროცესები ძალიან შემაშფოთებელია. „სამწუხაროდ, დაპირისპირებული მხარეები არ ერიდებიან თავიანთი საქმეების მოგვარებას ძალისმიერი მეთოდების გარეშე, რაც შემაშფოთებელია. საქართველოს სახელმწიფო დაინტერესებულია აფხაზეთის ტერიტორიაზე ყველა პრობლემა მოგვარდეს მშვიდობიანი გზით და გამორიცხული იყოს, როგორც ძალადობა, ასევე მსხვერპლი“, – განაცხადა ზაქარეიშვილმა. ოკუპირებულ აფხაზეთში ვითარება მას შემდეგ დაიძაბა, რაც 5 ივლისს ოპოზიციის წარმომადგენლებმა, რომლებიც დე ფაქტო შინაგან საქმეთა მინისტრ ლეონიდ ძაპშბას გადადგომას მოითხოვდნენ, უწყების შტურმით აღება სცადეს, რის შემდეგაც სამინისტროს შენობას ცეცხლი წაუკიდეს.ლეონიდ ძაპშბას უფლებამოსილება შეუჩერდა. გადადგომისთვის მზადყოფნა დააფიქსირა ე.წ. პრეზიდენტმა რაულ ხაჯიმბამაც. აფხაზური ოპოზიცია ვადამდელი „საპრეზიდენტო“ არჩევნების თაობაზე დანიშნული რეფერენდუმის გადადებას მოითხოვდა.
სიახლეები
საზოგადოება
მოძრაობა პროტესტSHE 26 მაისს ოპოზიციის ალიანსის აქციას შეუერთდება
მოძრაობა პროტესტSHE 26 მაისს ოპოზიციის ალიანსის აქციას შეუერთდება - ამის შესახებ განცხადება მათ პარლამენტთან...
საზოგადოება
ნათია თურნავა ინფლაციის ზრდას ახლო აღმოსავლეთის ომს უკავშირებს
ეროვნული ბანკის ხელმძღვანელი ნათია თურნავა ქვეყანაში არსებული ინფლაციის მიზეზად გარე შოკებს და ახლო აღმოსავლეთში...
საზოგადოება
6 წლის შემდეგ თბილისსა და ბაქოს შორის ყოველდღიური სამგზავრო სარკინიგზო მიმოსვლა 26 მაისიდან აღდგება
6 წლის შემდეგ თბილისსა და ბაქოს შორის ყოველდღიური სამგზავრო სარკინიგზო მიმოსვლა 26 მაისიდან აღდგება-...
საზოგადოება
უკრაინამ პირველი მართვადი საჰაერო ბომბი შექმნა
პირველი უკრაინული მართვადი საჰაერო ბომბი (KAB) საბრძოლო გამოყენებისთვის მზადაა, მისი შემუშავება 17 თვე გაგრძელდა...