აფხაზეთის დე ფაქტო პრეზიდენტი რაულ ხაჯიმბა აცხადებს, რომ ის მზად არის ოპოზიციასთან მოლაპარაკებების გაგრძელებისთვის. ამის შესახებ რუსული მედია წერს. გავრცელებული ცნობით, ხაჯიმბამ აღნიშნული განცხადება მას შემდეგ გააკეთა, რაც შინაგან საქმეთა ე.წ მინისტრს, ლეონიდ ძაპშბას ოპოზიციის მოთხოვნით უფლებამოსილება შეუჩერდა.
„პრობლემა ჯერ კიდევ არ მოგვარებულა. ოპოზიციას აქვს სხვა მოთხოვნებიც. მოლაპარაკებები გაგრძელდება. თუ საჭირო გახდება, ჩვენ შევკრებთ ხალხს და ვითარებას განვიხილავთ. ჩვენ უნდა ვიფიქროთ ხვალინდელ დღეზე და კანონის შესაბამისად ვიმოქმედოთ. რაც შემეხება მე, მე აქ ვარ მანამ ვიდრე კონსტიტუციის მიხედვით ჩემი პრეზიდენტობის ვადა 2019 წელს არ ამოიწურება“, – განაცხადა ხაჯიმბამ.