დღეს, გალის ინციდენტების პრევენციისა და მათზე რეაგირების მექანიზმის (IPRM) მორიგ შეხვედრაზე ხურჩაში მოკლული გიგა ოთხოზორიას საქმეში ბრალდებულის საკითხს კიდევ ერთხელ დააყენებენ.როგორც აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა, ვახტანგ ყოლბაიამ განაცხადა, სოხუმი ქართული მხარისგან დამატებით მასალებს ითხოვს. გალში 27 მაისს გამართული პირველი შეხვედრა, რომელიც საგანგებო რეჟიმში გაიმართა, მხოლოდ გიგა ოთხოზორიას მკველობის საკითხს უკავშირდებოდა.გიგა ოთხოზორია ე.წ. მესაზღვრემ 19 მაისს, დაახლოებით, 15:00 საათზე, ხურჩა-ნაბაკევის ადმინისტრაციულ საზღვართან, საქართველოს მიერ კონტროლირებად ტერიტორიაზე ცეცხლსასროლი იარაღიდან გასროლით მოკლა.