ლევან ვარშალომიძე დღეიდან წინასაარჩევნო კამპანიის ფარგლებში მოსახლეობასთან შეხვედრებს იწყებს. ამომრჩეველთან გასაუბრებას ბათუმის გარეუბნებში აპირებს.
აჭარის საარჩევნო სიის პირველი ნომერი ნაციონალური მოძრაობიდან დარწმუნებულია, რომ აჭარაში გაიმარჯვებს . იგი რეგიონსა და მთლიანად ქვეყანაში ცვლილებების აუცილებლობაზე საუბრობს და ამბობს, რომ ახალი ხელისუფლების პირობებში აჭარაში 50-მდე მსხვილი პროექტის განხორციელება შეჩერდა. – 2012 წლის შემდეგ, არც ერთი მნიშვნელოვანი პროექტი არ განხორციელებულა და არჩევნების შემდეგ მალევე ყველა იმ პროექტის განხორციელებას გააგრძელებს, რომელიც ამ დროისთვის შეჩერებულია.
ლევან ვარშალომიძე გამოთქვამს მზადყოფნას საჭიროების შემთხვევაში უპასუხოს სამართალდამცველების ნებისმიერ კითხვას მის საქმიანობასთან დაკავშირებით: ,,დავდიოდი პროკურატურაში 2012 წლიდან და დღესაც მზადა ვარ – ამის ბევრი ახსნა არაა საჭირო. ''
აჭარის მთავრობის ყოფილი თავმჯდომარე საქართველოში 2 წლის შემდეგ დაბრუნდა. სარფში მას დიდძალი ხალხი, ყოფილი პირველი ლედი სანდრა რულოვსი, თანაპარტიელები, ოჯახის წევრები და მეგობრები საქართველოს დროშებით და შეძახილებით დახვდნენ.