ისინი ომისთვის ემზადებიან  – ასეთი კომენტარი გაკეთა დე–ფაქტო აფხაზეთის  საგარეო მინისტრმა ვიაჩესლავ ჩირიკბამ ,,რია ნოვოსტის’’ ინფორმაციაზე იმის შესახებ, რომ საქართველომ თავის წყლებში აშშ  ფლოტის განთავსება შესთავაზა.

,,თავდაცვის მინისტრმა თინა ხიდაშელმა აღიარა, რომ ქვეყანას არა ჰყავს თავისი სამხედრო – საზღვაო ფლოტი და არც ფული მისი მშენებლობისათვის – ნათქვამია ინფორმაციაში –ხიდაშელის თქმით, ნატო აქტიურად  მუშაობს შავი ზღვის ,,უსაფრთხოების კონცეფციაზე ‘’ და ამით ვაშინგტონთან თანამშრომლობის ახალი, უპრეცედენტო ეტაპი  დგება. ‘’

დე ფაქტო აფხაზეთის საგარეო საქმეთა სამინისტროს მეთაურმა ამასთან დაკავშირებით განაცხადა: ,,ერთის მხრივ, საქრთველოს, როგორც სუვერენულ  ქვეყანას, სრული უფლება აქვს დაამყაროს და გაერთიანდეს   ნებისმიერ კავშირში, მათ შორის სამხედროშიც, მაგრამ, თუ გავითვალისწინებთ, რომ ჩვენს შორის კონფლიქტი არ ამოწურულა და რომ  საქართველო  გამუდმებით ემზადება საომარი მოქმედებისთვის,  ჩვენ გულგრილი ვერ დავრჩებით იმის მიმართ, რომ აქვე, ჩვენს გვერდით ნატოს პლაცდარმი იქმნება. აფხაზეთი, რუსეთის მსგავსად, ნატოს სტრუქტურებისთვის წარმოადგენს დესანტირების სამიზნეს, რამდენადაც ჩვენ უშუალოდ ვესაზღვრებით საქართველოს , რომელიც უარს აცხადებს ხელი მოაწეროს სამშვიდობო შეთანხმებას ანუ ემზადება ომისთვის.’’

 ჩირიკბა დასძენს, რომ  რუსულმა, აფხაზურმა და ოსურმა  მხარეებმა ჟენევაში გამოთქვეს პროტესტი ამ საკითხთან დაკავშირებით . ,,ეს მოასწავებს სიტუაციის სერიოზულ დესტაბილიზაციას როგორც აფხაზეთში, ისე მთელ რეგიონში,  რაც,  ჩემი აზრით, ხელს არ აძლევს  თავად  საქართველოსაც ’’ – განაცხადა ჩირიკბამ.