რუსული მხარე გიგა ოთხოზორიას მკვლელობაზე პასუხისმგებლობას იხსნის და მას აფხაზ მესაზღვრეს აკისრებს – ამის შესახებ განცხადება, გრიგორი კარასინმა პრაღაში ზურაბ აბაშიძესთან შეხვედრისას გააკეთა.
აბაშიძის თქმით, რუსეთის საგარეო სქმეთა მინისტრის მოადგილემ განმარტა, რომ ოთხოზორიას მკვლელის დაკავებას რუსული მხარეც უჭერს მხარს.
"რუსეთის მხარის პოზიცია ასეთია, რომ ამ მკვლელობასთან რუსეთის მხარეს არანაირი კავშირი არ აქვს. მთლიანად პასუხისმგებლობას აკისრებს ამ ე.წ. კონკრეტულ აფხაზ მესაზღვრეს, ამასთანავე ამბობენ, რომ ის სასჯელი, რომელიც დამნაშავეს გამოუტანეს, შინა პატიმრობა არ არის ადეკვატური, ამ მხრივ ისინი გვეთანხმებიან,“- განაცხადა ზურაბ აბაშიძემ.
აბაშიძე-კარასინის მოლაპარაკებების მორიგი რაუნდი დასრულებულია. ცნობილია, რომ ამ მოლაპარაკებების შედეგად, ჯაშუშობის ბრალდებით დაკავებული კიდევ ერთი მოქალაქე დღეს გათავისუფლდება