არასამთავრობო ორგანიზაცია „ევრო-კავკასიური თანამშრომლობის ასოციაციის“ მიერ პოლიტიკური პარტიებისთვის ანაკლიაში საარჩევნო საკითხებზე ტრენინგები ტარდება. პროექტის „შესაძლებლობების განვითარება არჩევნებისთვის“ მიზანია პოლიტიკური პარტიის წევრთა ცნობიერების ამაღლება საარჩევნო საკითხებზე, როგორიცაა: არჩევნებში ჩართული მხარეები, მათი უფლებამოსილება და საარჩევნო ეთიკა, გუნდური მუშაობა, დროის მენეჯმენტი და ანგარიშვალდებულება, კონფლიქტების მართვა, საარჩევნო დავები, სტანდარტები და საუკეთესო პრაქტიკა,წინასაარჩევნო კამპანია და ადმინისტრაციული რესურსები, საარჩევნო ციკლი და საკანონმდებლო სიახლეები, საოლქო და საარჩევნო კომისიების საქმიანობა, კენჭისყრის დღის პროცედურები.ტრენინგში მონაწილეობენ 14 საარჩევნო სუბიექტის წარმომადგენელი, მათ შორის 10კვალიფიციური და 4 არაკვალიფიციური. სულ ტრენინგ-კურსებს გაივლის 200-მდე მონაწილე. პროექტი დაფინანსებულია საარჩევნო სისტემების განვითარების, რეფორმებისა და სწავლების ცენტრის მიერ.