კორცხელის მაჟორიტარი დეპუტატობის კანდიდატი "ქართული ოცნებიდან" დაკავებული თანამდებობიდან გათავისუფლებულია. ლაგვილავა ზედაეწერის აგრობიზნესისა და ტექნოლოგიური კოლეჯის დირექტორი იყო. ინფორმაციას ადასტურებენ ზუგდიდის მუნიციპალიტეტის გამგეობაში, საზოგადოებასთან ურთიერთობის სამსახურის უფროსის მიერ "ათინათისთვის" მიცემულ ინტერვიუში ნათქვამია, რომ "ამირან ლაგვილავას ჰქონდა სამსახურებრივი გადაცდენები ,რომელიც აისახა აუდიტორულ დასკვნაში. პირველ ჯერზე მან ამ უწყებისგან მიიღო გაფრთხილება,თუმცა ორი თვის თავზეც იგივე განმეორდა. გათავისუფლების დეტალებზე რაიონის გამგებელი ედიშერ თოლორაია ორშაბათს ისაუბრებს".რაც შეეხება ამირან ლაგვილავას, ჯერ–ჯერობით ოფიციალური კომენტარი ამ საკითხთან დაკავშირებით არ გაუკეთებია. ლაგვილავა კორცხელის შუალედურ არჩევნებში დამარცხდა, მას "ნაციონალური მოძრაობის" კანდიდატმა ვარადებულ ლაშხიამ 10 ხმით მოუგო.