BBC-ის ცნობით, დევიდ ქემერონი დიდი ბრიტანეთის პრემიერ-მინისტრის პოსტს ოქტომბრისთვის დატოვებს. ამის შესახებ მან ცოტა ხნის წინ გამართულ ბრიფინგზე განაცხადა. 

“გარდიანის” ცნობით, კემერონმა ეს განცხადება მას შემდეგ გააკეთა, რაც ბრიტანელებმა არ გაითვალისწინეს მისი პირადი თხოვნა და არგუმენტები, რომ მხარი დაეჭირათ ევროკავშირში გაერთიანებული სამეფოს დარჩენისთვის. დრამატული განცხადება მას შემდეგ გაკეთდა, რაც მკვეთრად დაეცა ფუნტი სტერლინგის გაცვლითი კურსი.

„ბრიტანელმა ხალხმა ევროკავშირის დატოვებას დაუჭირა მხარი, მათ სურვილს პატივს უნდა ვცემდეთ. ძალიან ვამაყობ, რომ ექვსი წლის განმავლობაში ამ ქვეყნის პრემიერ-მინისტრი ვიყავი, მაგრამ, ჩემი აზრით, ქვეყანას ახალი ხელმძღვანელობა სჭირდება. ვფიქრობ, ჩვენ ახალი პრემიერ-მინისტრი ოქტომბრისთვის უნდა გვყავდეს“, – განაცხადა დევიდ ქემერონმა.

 

წინასწარი მონაცემებით, დიდ ბრიტანეთში გუშინ ჩატარებული რეფერენდუმის შედეგად დიდი ბრიტანეთის ევროკავშირიდან გასვლის მომხრეებმა გაიმარჯვეს. მასში  მონაწილეობა მიიღო ამომრჩევლების 72.2%-მა (46.500.001 ადამიანი), აქედან  51.9% ხმა მისცა გაერთიანებული სამეფოს გასვლას ევროკავშირიდან, ხოლო 48.1%-მა – ევროკავშირის შემადგენლობაში დარჩენას

 

 

 

.