დარიალის ხეობიდან ევაკუაცია დასრულებულია. 70 ადამიანი, რომელიც თავს მამათა მონასტერს აფარებდა, შინაგან საქმეთა სამინისტროს სამაშველო სამსახურის თანამშრომლებმა სტიქიის ზონიდან ვერტმფრენების მეშვეობით გამოიყვანეს.ისინი ამ დროისთვის დაბა სტეფანწმინდაში იმყოფებიან.დევდორაკის მყინვარის ძირში დაახლოებით ერთი კილომეტრის ტერიტორიაზე გზა კალაპოტის ცვლილების შედეგად ადიდებულმა თერგმა წაიღო და ამჟამად მდინარე სამანქანო გზაზე მიედინება.ღვარცოფის შედეგად დაახლოებით ერთ კილომეტრამდე მონაკვეთი მოწყდა გარესამყაროს. სპეციალისტების განცხადებით, გზის აღდგენას სულ მცირე ორი ან სამი კვირა დასჭირდება.ადგილზე დილიდან მუშაობენ გეოლოგები, ადგილზე იმყოფებიან შს სამინისტროსა და სამაშველო სამსახურის თანამშრომლები.მცხეთა-მთიანეთის სახელმწიფო რწმუნებულის, გოჩა ზეიკიძის განცხადებით, დიდი რაოდენობით ყინულიანმა ნალექმა ცენტრალური გზის 500 მეტრიანი მონაკვეთი დააზიანა. მისივე განცხადებით, სტიქიის შედეგად მიყენებული ზიანი საკმაოდ დიდია.