რუსეთის თავდასხმის შემთხვევაში, ნატო ბალტიისპირეთის დაცვას ვერ შეძლებს. ასეთ მოსაზრებას ევროპაში აშშ-ის შეიარაღებული ძალების მეთაური გენერალ-ლეიტენანტი ბენ ჰოჯესი გერმანულ გამოცემა Die Zeit- თან საუბარში გამოთქვამს.„რუსეთი ბალტიისპირეთის ქვეყნების დაპყრობას უფრო სწრაფად მოასწრებდა, ვიდრე ჩვენ იქ მათ დასაცავად აღმოვჩნდებოდით“, – განაცხადა ჰოჯესმა. ის დაეთანხმა სამხედრო ანალიტიკოსების შეფასებას, რომლის თანახმად რუსეთის ჯარი ბალტიისპირეთის ქვეყნების დედაქალაქების დაპყრობას 36-60 საათში შეძლებდა.ბენ ჰოჯესმა Die Zeit- თან საუბარში აღნიშნა, რომ პოლონეთში ჩატარებულმა სამხედრო სწავლება „ანაკონდა-2016“-მა ნათლად აჩვენა, რომ დასავლეთიდან აღმოსავლეთ ევროპაში მძიმე შეიარაღების გადასროლა საჭირო სისწრაფით არ ხდება.