ვანო მერაბიშვილის ციხიდან გაყვანის საქმეზე გამოძიების დაწყებას მნიშვნელოვნად მიიჩნევენ უმრავლესობაში. მათი შეფასებით, გამოძიებასთან ყველამ უნდა ითანამშრომლოს, მათ შორის ყოფილმა პროკურორმაც. იმავდროულად აცხადებენ, რომ ვანო მერაბიშვილი დამნაშავეა და ის სამართლიანად იხდის სასჯელს.„ყველამ უნდა ითანამშრომლოს და ეს თუნდაც მცირე შენიშვნა, რაც სტრასბურგიდან მოვიდა ჩვენდამი, არ უნდა დარჩეს არანაირ ჩრდილში. ამ საკითხზეც უნდა იყოს სინათლე შეტანილი, რა მოხდა რეალურად,“ – განაცხადა ფრაქცია ქართული ოცნების თავმჯდომარე, გიორგი ვოლსკიმ.საქმესთან კავშირში მყოფი ყველა პირის დაკითხვის აუცილებლობაზე საუბრობს ოპოზიციაც. მთავარი პროკურატურის ინფორმაციით, ცალკეულ საჯარო მოხელეთა უფლებამოსილების გადამეტების საკითხზე მოკვლევა მიმდინარეობს.„ეს ხელისუფლება მიიყვანს ამ გამოძიებას ბოლომდე თუ შემდეგი ხელისუფლება, ეს გამოძიება მივა ბოლომდე. პროგნოზის კეთება იმასთან დაკავშირებით, რა იდეა მოუვა ბიძინა ივანიშვილს, რომელ დღეს რთულია, მაგრამ ლოგიკა ამაზე მეტყველებს, რომ თუ ოდნავ მაინც სურთ საკუთარი იმიჯის გამოსწორება, მაშინ ეს უნდა გააკეთონ,“- განაცხადა ფრაქცია ერთიანი ნაციონალური მოძრაობის წევრმა, გივი თარგამაძემ.
ამ საკითხზეც უნდა იყოს სინათლე შეტანილი, რა მოხდა რეალურად,“ -გიორგი ვოლსკი სტრასბურგის სასამართლოს შენიშვნებზე
Published on