სამეგრელო-ზემო სვანეთის მძლეოსნობის ფედერაციის პრეზიდენტი რეზო ბუკია „სპორტის განვითარების“ ცენტრის დირექტორს გოჩა ჩიქოვანს პირადი ინტერესების გამო ახალგაზრდების დაჩაგვრაში ადანაშაულებს.ბუკიას განცხადებით, ჩიქოვანს მის მიმართ პირადი ინტერესი აქვს და ამას ახალგაზრდები ეწირებიან. რეზო ბუკია ამბობს, რომ სწორედ ჩიქოვანის დამსახურებაა ის, რომ მძლეოსნებს ბორჯომში მგზავრობის ხარჯები არ დაუფინანსეს.ზუგდიდელი სპორტსმენები ბორჯომში 2017 წლის ოლიპმიადისთვის მოსამზადებელ შეკრებაზე თავიანთი ხარჯებით გაემგზავრნენ.მშობლები ამბობენ, რომ მათმა შვილებმა 200 ლარიანი დაფინანსება ვერ მიიღეს, თუმცა რეალური მიზეზი მათთვის უცნობია.სპორტის განვითარების ცენტრის დირექტორი ჟურნალისტებთან აცხადებს, რომ საქართველოს მძლეოსნობის ფედერაციისგან მივლინებისთვის თანხის გამოყოფაზე განცხადება დაგვიანებით შემოვიდა. ჩიქოვანი ბრალდებას უარყოფს და აცხადებს, რომ მსგავს შეხვედრებზე გასვლებისთვის ბიუჯეტში თანხები წინასწარ უნდა იყოსასახული, სხვა შემთხვევაში პროცედურულად 2 დღეში ამ საკითხის მოგვარება ვერ ხერხდება.საკითხის შესწავლას და მონიტორინგში ჩართვას გეგმავს ენმ-ის წევრი ანი წითლიძე, რომელიც დღეს სპორტსმენებთან ერთად იმყოფებოდა.რეზო ბუკიას სპორტის განვითარებიც ცენტრთან პრეტენზიები რამდენიმე თვის წინაც ქონდა, მაშინ ბუკიამ განაცხადა, რომ დაკავებული თანამდებობიდან პოლიტიკური ნიშნით გაათავისუფლეს.
რეზო ბუკია 4 მძლეოსნის ბორჯომში გამგზავრების არდაფინანსებაში „სპორტის განვითარების ცენტრს“ ადანაშაულებს
Published on