"გაერთიანებული დემოკრატიული მოძრაობის" ზუგდიდის ორგანიზაციამ თვითდაშლა გამოაცხადა. ორგანიზაციის თავმჯდომარემ გოგიტა ბიგვავამ და მისმა გუნდმა პარტია დატოვეს. მისი განცხადებით, ამით ისინი აპროტესტებენ პარტიის საარჩევნო შტაბის უფროსად რესურსცენტრის ყოფილი ხელმძღვანელის გონერ პაპავას დანიშვნას.განმარტებები ჟურნალისტებისთვის გოგიტა ბიგვავამ სპეციალურ ბრიფინგზე გააკეთა.ბიგვავა „გაერთიანებული დემოკრატიული მოძრაობის“ წევრია 2014 წლიდან, მანამდე ის ქრისტიან-დემოკრატების წევრი იყო. 2014 წლის ადგილობრივი თვითმმართველობის არჩევნებში ის მაჟორიტარი დეპუტატობის კანდიდატი იყო.ბიგვავა სხვა პარტიასთან თანამშრომლობას არ გამორიცხავს, თუმცა ამბობს, რომ ამ ეტაპზე შემოთავაზება არაც ერთი პარტიისგან არ მიუღია, ბიგვავას განმარტებით, მისი გადაწყვეტილების შესახებ სათაო ოფისი ოფიციალურად ინფორმირებული არ არის.