სააპელაციო სასამართლოში  მორიგი პროცესი რუსთავი 2-ის საქმეზე ხმაურით დაიწყო –   ტელეკომპანია რუსთავი2-ის სასამართლოს პროცესზე, სამაუწყებლო კომპანიის ადვოკატები თამთა მურადაშვილი და დიმიტრი საძაგლიშვილის პროცესზე არ დაუშვეს. არ დაკმაყოფილდა მოთხოვნა სხდომაზე რუსთავი2-ის გენერალური დირექტორის დაშვებასთან დაკავშირებითაც. ამის საფუძვლად კოლეგიამ დაასახელა ის, რომ, ქიბარ ხალვაშის ადვოკატმა  უარი თქვა  სააპელაციო სარჩელზე –   შესაბამისად  სასამართლომ შეწყვიტა დავა  ამ სარჩელზე,  და რაკი  დავა, რომელშიც  მოპასუხე  ნიკა გვარამია უნდა ყოფილიყო,  შეწყდა, ამ უკანასკნელის  დაშვება არ ჩათვალა საჭიროდ.   ამავე მიზეზით, უარი ეთქვათ პროცესზე დასწრებაზე რუსთავი 2-ის იურისტებს.  

"რაც აქ ხდება, არის კრიმინალი და ჩვენ აქ ჩუმად არ ვიჯდებით, სანამ ეს კრიმინალი მიმდინარეობს,“ –  განაცხადა რუსთავი 2 – ის ადვოკატმა ზაზა ბიბილაშვილმა.

 ქიბარ ხალვაშის ადვოკატმა პაატა სალიამ მის საპასუხოდ განაცხადა , რომ  კრიმინალი იყო ის, რაც ქიბარ ხალვაშის მიმართ ხორციელდებოდა. "თქვენ არ გაინტერესებთ სამართლებრივი საკითხები, თქვენ გაინტერესებთ ყველა სხდომაზე აცილება დააყენოთ გამოგონილი ტყუილებით,“ –  განაცხადა მან. 

 სასამართლო კოლეგიამ ადვოკატები დიმიტრი ძაგნიძე და ზაზა ბიბილაშვილი, შეპასუხებისთვის 500-500 ლარით დაჯარიმა. სხდომა რუსთვი 2 – ის მხარდამჭერმა პოლიტიკოსებმა პროტესტის ნიშნად დატოვეს.  

ამრიგად პროცესი  გრძელდება საავტორო უფლებებთან დაკავშირებით ქიბარ ხალვაშის მხარის სარჩელის განხილვით  – საუბარია ლოგოს და საავტორო უფლებების ნაწილზე.  მოგვიანებით, მხარეები მტკიცებულებების გამოკვლევის დასკვნით ეტაპზე გადავლენ.