ტელეკომპანია რუსთავი 2-ის გენერალური დირექტორის მოადგილე ზაალ უდუმაშვილი ვარაუდობს, რომ სააპელაციო სასამართლო გადაწყვეტილებას უახლოეს დღეებში გამოიტანს. უდუმაშვილი დღეს მოსამართლეთა იმ გადაწყვეტილებას აფასებს, რომლის მიხედვითაც სასამართლო სხდომაზე არც რუსთავი2-ის გენერალური დირექტორი და არც ტელეკომპანიის ადვოკატები არ დაუშვეს. მისი თქმით, სასამართლო ცდილობს რაც შეიძლება სწრაფად დასრულდეს სააპელაციო განხილვა და განაჩენი 8 ივნისამდე დადგეს.
"რა თქმა უნდა, პროცესები იქით მიმდინარეობს, რომ რაც შეიძლება სწრაფად დასრულდეს სააპელაციო განხილვა. სასამართლო ცდილობს,8 ივნისამდე გამოიტანოს გადაწყვეტილება და დღეს ან ხვალ ალბათ გამოაცხადებს საბოლოო გადაწყვეტილებას. წინა პროცესიდან გამომდინარე თუ ვიმსჯელებთ , პრაქტიკულად რუსთავი 2-ს იურისტებიც კი არ დაუტოვეს დარბაზში და ყველა გამოაძევეს, ასეთ რეჟიმში რა თქმა უნდა სასამართლო ყველაფერს მოასწრებს და ამ გადაწყვეტილებას ალბათ გამოიტანს", – განაცხადა ზალიკო უდუმაშვილმა.