ოკუპირებული აფხაზეთის ე.წ. საგანგებო სიტუაციათა მინისტრის ლევარსა კვიწინიას ინფორმაციით, გუშინ საღამოს კოდორის ხეობაში ხევში გადაიჩეხა სატვირთო მანქანა, რომელსაც ე.წ. აფხაზეთის სასაზღვრო ჯარებში მომსახურე სამხედრო პირები გადაჰყავდა.
წინასწარი ინფორმაციით მანქანაში იმყოფებოდა 6 ე.წ. მესაზღვრე. 5 მათგანი სოხუმის რესპუბლიკურ საავადმყოფოშია გადაყვანილი, ერთ-ერთის მდგომარეობა მძიმეა. კიდევ ერთი მესაზღვრის ბედი ამ დრომდე უცნობია, მას ამ დრომდე ეძებენ. შემთხვევა კოდორის ხეობის სოფელ ჩხალთაში, სოხუმიდან 50 კილომეტრში მოხდა.