ზუგდიდში, თაბუკაშვილის ქუჩაზე, დევნილთა ახალ ჩასახლებაში სასმელი წყლის პრობლემა თითქმის 2 თვეა მოუგვარებელია.აპრილის დასაწყისში წყლის დაბინძურების შედეგად გავრცელებულმა ინფექციამ მოსახლეობის მასიური მოწამვლა გამოიწვია.სასმელი წყლის დაბინძურების ფაქტი სურსათის უვნებლობის სამსახურმა დაადასტურა.დევნილებთან ამ პერიოდის განმავლობასი სხვადასხვა უწყების წარმომადგენლები დადიოდნენ, თუმცა დღემდე ეს პრობლემა ისევ პრობლემად რჩება.საკითხი შეისწავლა ა. ო. "საუნჯემ". ორგანიზაციის თანადგომით დევნილებმა პრობლემის მოგვარება შეძლეს. გაერთიანებული წყალმომარაგების კომპანია ახალ ჭაბურღილს გათხრის დევნილთა ახალ დასახლებაში და ასევე არსებული ჭაბურღილის წყლის მიწოდების სისტემას დაუმონტაჟდება გამწმენდი ტექნიკური საშუალება. გასულ კვირას განსახლების სამინისტრომ მხოლოდ გამწმენდი ფილტრის დაყენება შესთავაზა დევნილებს, რაზეც აქტიურმა დევნილთა სათემო ორგანიზაციების ლიდერებმა უარი განაცხადეს და ახალი ჭაბურღილის დამონტაჟება მოსთხოვეს განსახლების სამინისტროს."აქტიური დევნილების დაჟინებული მოთხოვნა ორი თვის შემდეგ დაკმაყოფილდება და ახალი ჭაბურღილი დამონტაჟდება.ორი თვის განმავლოაში სამინისტროს მიერ შეთავაზებულ ყველა ალტერნატიულ არასაიმედო შეთავაზებაზე დევნილებმა უარი განაცხადეს…ახლა მთავარია ბოლო დაპირება დროულად შესრულდეს.ჩვენ გამოძიების შედეგების მოლოდინში ვართ."- წერს ორგანიზაციის ხელმძღვანელი იაგო ფასანძე