საიას ზუგდიდის ოფისში დღეს ჟურნალისტებისთვის შეხვედრა გაიმართა, სადაც საუბარი იყო წინასაარჩევნო მონიტორინგზე, რომელსაც საია სამართლიანი და თავისუფალი არჩევნების ჩატარების ხელშეწყობის მიზნით მთელი ქვეყნის მასშტაბით დააკვირდება. საია ყველა იმ კანონდარღვევაზე გაამახვილებს ყურადღებას, რომელიც გამოვლენილი იქნება ადმინისტრაციული რესურსის გამოყენებით, ამომრჩევლის დაშინება-მოსყიდვით, პოლიტიკური ნიშნით დევნისა და სხვა მსგავსი შემთხვევებით.
საიას ზუგდიდის ოფისის ხელმძღვანელმა ჟურნალისტებს ურთიერთთანამშრომლობისკენ მოუწოდა,ასევე ისაუბრა ბოლო დროს განვითარებულ მოვლენებზე, მათ შორის კორცხელის შუალედურ არჩევნებზე და რეგიონში მომუშავე ჟურნალისტებს 22 მაისს 54-ე უბანზე მიმდინარე მოვლენების ოპერატიულად და ობიექტურად გაშუქებისთვის მადლობა გადაუხადა.შეხვედრა დისკუსიის რეჟიმში წარიმართა. საიას იურისტებმა ჟურნალისტების კითხვებს უპასუხეს.