"რუმინეთი მიზანში იქნება ამოღებული ისევე, როგორც პოლონეთი," -განცხადება ამის შესახებ ვლადიმერ პუტინმა ათენში საბერძნეთის პრემიერთან ერთობლივ პრესკონფერენციაზე გააკეთა.
ვლადიმერ პუტინს შეკითხვა აღმოსავლეთ ევროპაში ამერიკული რაკეტსაწინააღმდეგო სისტემის განთავსების შესახებ საბერძნეთში ვიზიტის დროს დაუსვეს.
პუტინი ამბობს, რომ მოსკოვს უკვე შემუშავებული აქვს საპასუხო ნაბიჯები და როგორც კი მის საზღვრებთან ანტისარაკეტო სისტემა გაჩნდება, რუსეთი ზომებს მიიღებს.
მან ასევე ყირიმის ანექსიაზე გააკეთა განცხადება და აღნიშნა, რომ უკრაინის შემადგენლობაში ყირიმი არასდროს დაბრუნდება. მისი თქმით, საკითხი დახურულია და რუსეთი ამ საკითხზე საუბარს არავისთან აპირებს, რადგან ეს ისტორიული გადაწყვეტილება გადახედვას არ ექვემდებარება.