რამდენიმე წუთის წინ ზუგდიდის მუნიციპალიტეტის სოფელ კორცხელში, 53 -ე საარჩევნო უბანზე,,ქართული ოცნებისა’’ და ,,ნაციონალური მოძრაობის’’ კანდიდატთა წარმოადგენლებს შორის მცირე ინციდენტი მოხდა.
შელაპარაკება გამოიწვია ,,ქართული ოცნების" პრეტენზიებმა უბნის გარეთა პერიმეტრზე ნაციონალური მოძრაობის მხარდამჭერთა სიმრავლის გამო და მოთხოვნამ გადაადგილდნენ უფრო მოშორებულ ადგილზე, თავის მხრივ ნაციონალური მოძრაობის წარმომადგენლებმა მათ მიუთითეს იქვე მდგარ ათამდე უცნობ პირზე, სპორტული აღნაგობის ახალგაზრდებზე , რომელნიც ნაციონალური მოძრაობის მხარდამჭეთა აზრით მიზანმიმართულად ჩამოიყვანეს კორცხელში ამომრჩევლებზე ფსიქოლოგიური წნეხის მიზნით .
თავად ,,სტუმრები’’ საარჩევნო უბანთან თავიანთი დემონსტრატიული დგომის მიზეზს ცინიკურად განმარტავენ მით, რომ კორცხელში არჩევნების მისალოცად ჩამოვიდნენ.
ინცინდენტი ამ დროისათვის განმუხტულია, თუმცა სიტუაცია კვლავ დაძაბული რჩება.
შეგახსენებთ, კორცხელის მაჟორიტარი დეპუტატობისთვის სამი კანდიდატი იბრძვის- ვარადებულ ლაშხია ("ერთიანი ნაციონალური მოძრაობიდან"), ამირან ლაგვილავა ( "ქართული ოცნებიდან") და თეონა ქარდავა ("თავისუფალი საქართველოდან")