ზუგდიდის მუნიციპალიტეტის სოფელ რიყეში "ლიბერთი ბანკის" ფილიალი გაქურდეს. სოფელში გუშინ პენსიის დარიგება დაიწყეს, დღეს კი პროცესი უნდა გაგრძელებულიყო, თუმცა აღმოჩნდა,რომ ლიბერთი ბანკის ფილიალიდან საპენსიო გასაცემი თანხა წაღებული იყო.როგორც ჩვენთვის ცნობილი გახდა, უცნობმა პირებმა ბანკში არსებული საპენსიო თანხა მთლიანად გაიტაცეს, ფაქტს თვითმხილველები არ ყავს. პოლიციამ პატრულირებისას შენიშნა საეჭვო გარემოება, რაც იმაში გამოიხატება,რომ კარი ღია იყო, ხოლო შემოწმებისას აღმოჩნდა, რომ რკინის და ცეცხლგამძლე სეიფი წაღებული იყო..   ბანკში სავარაუდოდ დასარიგებელი პენსიისა და სოციალური დახმარების თანხა ინახებოდა. ლიბერთი ბანკის ფილიალი სოფლის ცენტრში, სკოლის გვერდით მდებარეობს.ირკვევა, რომ შენობაში არ არის დამონტაჟებული არც ვიდეოთვალი და არც სიგნალიზაცია.მომხდარს სამართალდაცავები იძიებენ.