დღეს 16:00 საათზე თბილისის სპორტის სასახლეში ,,ქართული ოცნების'' რიგით მეოთხე პარტიული ყრილობა იხსნება.
ყრილობაზე დასახელდება პოლიტსაბჭოს განახლებული შემადგენლობა და პარტიის წევრები აირჩევენ ახალ თავმჯდომარეს . ამ პოსტზე პრემიერ-მინისტრი გიორგი კვირიკაშვილია წარდგენილი. რაც შეეხება პარტიის საარჩევნო სიას, დღეს არც მისი და არც გუნდის ახალ სახეების წარდგენა იგეგმება
ყრილობაზე მიწვეული არიან მინისტრთა კაბინეტის წევრები, დიპლომატიური კორპუსის წარმომადგენლები და ქართული ოცნების მხარდამჭერი, საზოგადოებისთვის ცნობილი სახეები, ყოფილი პრემიერები ბიძინა ივანიშვილი და ირაკლი ღარიბაშვილი. ვრცელდება ინფორმაცია, რომ პრეზიდენტი გიორგი მარგველაშვილი ერთადერთია ხელისუფლების პირველი პირებიდან, ვისაც ყრილობის მოსაწვევი არ მისვლია.
ყრილობის მუშაობაში მონაწილეობას მიიღებს 7 დელეგატი ზუგდიდიდან. ისინი 200 სხვა მიწვეულ სტუმართან და პარტიის მხარდამჭერთან ერთად გუშინ გაემგზავრნენ თბილისში.