განახლდა რუსთავი 2-ის საქმის განხილვა თბილისის სააპელაციო სასამართლოში. პროცესი რუსთავი 2 – ის მხარდამჭერთა საპროტესტო განწყობის ფონზე მიმდინარეობს- კოლეგიამ არცერთი შუამდგომლობის დასრულების საშუალება არ მისცა რუსთავი 2-ის იურისტებს და კომპანიის გენერალურ დირექტორს და ამ უკანასკნელის პროტესტს უპასუხა იმით, რომ 500 ლარის ოდენობის დააჯარიმა დაააკისრა მას.
სასამართლო პროცესი დატოვა არასაპარლამენტო ოპოზიციის ნაწილმა. მათ მიმდინარე პროცესს სრული სამართლებრივი კრახი უწოდეს.ისინი აცხადებენ, რომ დღევანდელი განხილვა სასამართლო წარმოადგენს მხარეს, რადგან მისი მხრიდან ხდება სიტყვის თავისუფლებისა და პოზიციების გამოხატვის შეზღუდვა რუსთავი 2 – ის ინტერესების წარმომდგენთათვის პროცესის მსვლელობაში.
– ასე შეაფასა პოლიტიკური მოძრაობა სახელმწიფო ხალხისთვის ერთ-ერთი ლიდერმა, გიორგი რუხაძემ, რომელის პროცესს ესწრებოდა.
"სრული სამართლებრივი კატასტროფა", ,,ტენდენციური და კვალიფიკაციის ნაკლებობის მქონე ''- ასე აფასებენ დღევანდელ პროცესსა და მოსამართლე ნაზღაიძეს სასამართლოს დარბაზსა და მის გარეთ შეკრებილები.
შეგახსენებთ, კოლეგია პირველი ინსტანციის გადაწყვეტილებების კანონიერებაზე მსჯელობს. ტელეკომპანია თამაზ ურთმელიძის მიერ დადებული ყადაღის მოხსნას და რაც მთავარია, 100 %-იანი წილის ქიბარ ხალვაშისთვის გადაცემის გადაწყვეტილების გაუქმებას ითხოვს.
შეგებებული მოთხოვნა აქვს მოპასუხესაც, ხალვაშის ადვოკატები კომპანიის ლოგოსა და გადაცემებზე საავტორო უფლების აღიარებას ითხოვენ.