დღეს გიორგი აბაშიშვილმა პრეზიდენტის ადმინისტრაციაში მიწვეულ ჟურნალისტებს გიორგი მარგველაშვილის ახალი პრესსპიკერი – ჟურნალისტი ეკა მიშველაძე წარუდგინა. მან აღნიშნა, რომ ეკა მიშველაძეს აქვს სახელმწიფო სექტორში მუშაობისა და ჟურნალისტიკაში მუშაობის 25 წლიანი გამოცდილება. აბაშიშვილის თქმით, ის პრეზიდენტის ადმინისტრაციისთვის მნიშვნელოვანი შენაძენია.
„ჩემი ცხოვრებისათვის ძალიან მნიშვნელოვანი და განსაკუთრებული ეტაპია. ჩვენი თანამშრომლობა ახალ ეტაპზე გადავა. იმედი მაქვს, ეს იქნება ისეთივე მჭიდრო, თბილი და კოლეგიალური დამოკიდებულება, რომელიც გვქონდა წლების განმავლობაში", – მიმართა მიშველაძემ ჟურნალისტებს.