საქართველოს შინაგან საქმეთა სამინისტროს სარჩელი პარტია "ერთიანი ნაციონალური მოძრაობის" ერთ-ერთი ლიდერის თენგიზ გუნავას წინააღმდეგ დღეს ზუგდიდის რაიონულმა სასამართლომ არ დააკმაყოფილა. საქმე თენგიზ გუნავას შინაგან საქმეთა სამინისტოს გენერალური ინსპექციის უფრასოდ მუშაობის პერიოდს მოიცავს და უწყება მას ბენზინის ტალონებისა და სახელმწიფო ქონების მითვისებას ედავება. გუნავას ადვოკატის ივანე პეტრიაშვილის განცხადებით, საუბარია 56 ათას ლარზე. მისივე განმარტებით სარჩელი კანონმდებლობის ყველა ნორმას არ აკმაყოფილებს და სასამართლომ აღნიშნული გადაწყვეტილებისას ამ მოტივით ისარგებლა.სასამართლო პროცესის ბილოს მედიასთან კომენტარი თენგიზ გუნავამაც გააკეთა. სამეგრელო-ზემო სვანეთის ყოფილი გუბერნატორის განცხადებით, ის უდანაშაულოა და მასზე პოლოტიკური ნიშნით დევნა მიმდინარეობს. თენგიზ გუნავას აღნიშნულ საქმეზე გამამტყუნებელი განაჩენი 2013 წელს თბილისის რაიონულმა სასამართლომ გამოუტანა. თუმცა მოგვიანებით ის საქართველოს ყოფილმა პრეზიდენტმა მიხეილ სააკაშვილმა შეიწყალა და ნასამართლეობის სტატუსიც მოუხსნა.