საპროტესტო ტალღა ბოტანიკური ბაღის გადასარჩენად სულ უფრო იზრდება – დღეს 24 არასამთავრობო ორგანიზაცია ერთობლივ პრესკონფერენციაზე გააკეთებს განცხადებებს მოქმედების ერთიანი გეგმის შესახებ . უკვე ცნობილია, რომ პირველი მასშტაბური აქცია შაბათისთვის იგეგმება.
სამოქალაქო სექტორი გაერთიანებისკენ პოლიტიკურ პარტიებსაც მოუწოდებს. მათი თქმით, ბოტანიკური ბაღის ირგვლივ განვითარებული მოვლენები ,,პანორამა თბილისს'' უკავშირდება, ამ ყველაფერში კი ერთი ადამიანის – ბიძინა ივანიშვილის სახელი და გვარი ფიგურირებს. არსებობს საფუძვლიანი ეჭვი, რომ ბოტანიკური ბაღის ტერიტორიის ნაწილს სწორედ იგი ყიდულობს.
არასამთავრობო ორგანიზაციები მიიჩნევენ, რომ ამ მასშტაბის პროექტების განხორციელება მოსახლეობასთან შეთანხმების გარეშე დაუშვებელია და მერიისგან გადაწყვეტილებების გაუქმებას ითხოვენ.