მწერლის, დრამატურგისა და პუბლიცისტის თამაზ ჭილაძის 85 წლის იუბილესთან დაკავშირებით ღონისძიებაზე დასასწრები ბილეთების დაჯავშნა დაიწყო. არასამთავრობო ორგანიზაცია „არტ – უნივერსალის“ დამფუძნებლის და გენერალური დირექტორის ხატია ჯანაშიას ინფორმაციით, ბილეთის ღირებულება 20 ლარია და ღონისძიებაზე დასწრების მსურველებს შესაძლებლობა აქვთ დარეკონ ნომერზე 568 42-82-82 და დაჯავშნონ ბილეთები.

შეგახსენებთ, რომ 28 მაისს არასამთავრობო ორგანიზაცია „არტ – უნივერსალი“ ზუგდიდში საუკუნის პროექტს განახორციელებს. ორგანიზაციის დამფუძნებლის და გენერალური დირექტორის, ხატია ჯანაშიას ინფორმაციით, ამ დღეს ქალაქში გრანდიოზული ღონისძიება გაიმართება. კერძოდ, ჩვენს ქალაქს სპეციალური მოწვევით ესტუმრებიან მწერალი, დრამატურგი და პუბლიცისტი თამაზ ჭილაძე, რუსთაველის თეატრის სამხატვრო ხელმძღვანელი რობერტ სტურუა და კომპოზიტორი გია ყანჩელი. „არტ – უნივერსალის“ ხელმძღვანელის განცხადებით, აღნიშნული პროექტი თამაზ ჭილაძის 85 წლის იუბილეს ეძღვნება. იუბილესთან დაკავშირებით, შოთა რუსთაველის სახელობის პროფესიული სახელმწიფო დრამატული თეატრის დასი კლასიკოსი მწერლის პიესის მიხედვით დადგმულ სპექტაკლს – „ნადირობის სეზონს“ წარუდგენს მაყურებელს (დამდგმელი რეჟისორი რობერტ სტურუა, კომპოზიტორი გიაყანჩელი).
სპექტაკლში მონაწილეობენ: ია სუხიტაშვილი, გოგა ბარბაქაძე, სანდრო მიკუჩაძე-ღაღანიძე, ზუკა პაპუაშვილი, ზაზა ბარათაშვილი, ანდრია თავბერიძე, კახა კუპატაძე, გაგი სვანიძე და ბექა სონღულაშვილი.