ეკა ბესელია და ძმები ბერძენიშვილები ერთმანეთს სიტყვიერად დაუპირისპირდნენ

0
353

კამათი საქართველოს პარლამენტში “ადრეული და სკოლამდელი აღზრდისა და განათლების” შესახებ ახალი კანონპროექტის განხილვას მოყვა. "ვადის პრობლემაა, იწურება ვადა. კარგი იქნება თუ ამ საკითხს გადმოვიტანთ და კენჭისყრებს ჩავატარებთ. საჭიროა ალბათ, უფრო სიღმისეული შესვლა. ეს არაა მარტივი საკითხი, მთლიანად ეს რეფორმა რომელიც მომზადდა ორი წლის განმავლობაში მთლიანად ცვლის ამას. ეს ერთი დაწესებულების საკითხი არაა, კონცეფცია იცვლება მთლიანად. 2 წლის განმავლობაში ეს საკითხი არ დამდგარა. ერთმანეთისკენ უნდა გადავდგათ ნაბიჯი, მაგრამ ბავშვების ინტერესების გათვალისწინებით. ჩვენ მეორე პლანზე გადაგვაქვს ბავშვების ინტერესები. ეს რეფორმა არის ბავშვებისთვის და კონცეფციას ნუ შეცვლით. მთლიან რეფორმას დარტყმის ქვეშ ვაყენებთ პირადი ინტერესებიდან გამომდინარე", – განაცხადა ეკა ბესელიამ.დეპუტატ დავით ბერძენიშვილის განცხადებით, აღნიშნული საკითხი პარლამენტში გუშინაც გავიდა, თუმცა გადაწყვეტილება ვერ იქნა მიღებული. "ერთმანეთისკენ უნდა გადავგათ ნაბიჯები. ვთვლით, რომ ჩვენი ალტერნატივა გუშინ რომელიც ვერ გავიდა არსებითი ხასიათის პრობლემას ვერ ქმნიდა. ჩვენ არაფერს არ ვცლით, შემოთავაზებული კანონპროექტი რომ კანონად იქცეს ნუ დავხურავთ იმ დაწესებულებს, რომელიც წარმატებულად ფუნქციონირებს საქართველოში. მე სიჯიუტისკენ არცერთ მხარეს არ მოვუწოდებ, თუ დღეს არ ვართ შეთანხმებისკენ და ვერ მივიღებთ ნორმალურ კანონს გადავდოთ ეს საკითხი", – განაცხადა დავით ბერძენიშვილმა. 

წინა სტატიაუკრაინის გენერალური პროკურორის ყოფილი მოადგილე დავით საყვარელიძე ახალი პარტიის შექმნას აანონსებს.
შემდეგი სტატიაწინასაარჩევნო გარემოსა და არჩევნების მონიტორინგთან დაკავშირებით საიას ზუგდიდის ოფისში პოლიტიკურ პარტიებს შეხვდნენ
ტელეკომპანია ოდიშის საინფორმაციო სამსახური