ორი ადამიანის სიცოცხლე ემსხვერპლა დღეს ზუგდიდში, კოსტავას ქუჩაზე მომხდარ ავტოსაგზაო შემთხვევას – გარდაცვლილები შუახნის მამაკაცები არიან, დაშავებულია მესამე პირიც , რომელიც რეფერალურ საავადმყოფოშია გადაყვანილი. როგორც ექიმები ამბობენ, მისი მდგომარეობა სტაბილურად მძიმეა.
თვითმხიველთა თქმით, გადაჭარბებული სიჩქარით მოძრავი ავტომობილი ფეხით მოსიარულეებს დაეჯახა. მანქანას ახალგაზრდა მამაკაცი მართავდა, იგი დაკავებულია და ამ წუთებში დაკითხვაზე იმყოფება.